بعد غيابي عن التدوين القسري و الطوعي ..قررت ان اكتب من جديد بالتالي اعذروا هالثرثرة الطويلة اتحملوني
طبعا الي خلاني اقعد و تكون اجازة بوش المباركة للبلد .. حتسالوني كيف ؟؟ حخبركم اولا شغلي برام الله و تحديدا بالارسال قريب من المقاطعة و زي ما انتو عارفين المقاطعة هو المكان المبارك الي نزل في بوش ... طبعا انا مش فارقة معي اصلا بستنا يوم اجازة !! بس وين القصة الي بالموضوع انه احنا شهر واحد كله اجازات مثلا 1-1 انطلاقة الثورة الفلسطينية و راس السنة , و 7, 8 -1 برضو عطلة الاعياد .. لما اجاني قرار العطله عشان التعميم كوني مسؤولة قسم كنت بستفسر عن السبب ف حكولي الزامي من الامن لزيارة بوش ف انا دماغي جزمة قديم و كبرت براسي و بدي اداوم .. طبعا قالولي بتحلمي رام الله بكرة عليها طوق امني و ممنوع السيارات تمشي بالمنطقة القريبة من المقاطعة و ما رح يدخلوكي من حاجز قلنديا .
المهم اختصرت و قلت عطله عطله المصيبة اذا بعملو زيارة بوش التاريخية سنوية و انا لو مكانه بطالب الحكومة الفلسطينية انه يكون 10-1 يوم وطني و فعاليات بهاليوم تكون ع التالي اولا تكسير البلد و فرض طوق امني , عطلة لكافة المؤسسات الحكومية و الخاصة , و طبعا لا يمنع ان يقتل اكم من فلسطيني قربانا للولايات المتحدة لانه بوش بيكون السنة القادمة اتسهل و قاعد بيخطط مع لورا بوش امكانية ترشحها للانتخابات القادمة هو يعني كلينتون احسن؟؟؟
طبعا بما اني بالبيت و ما قدرت اوصل للاعتصام الي صار برام الله , ف اظطريت اتابع المؤتمر الصحفي ع الجزيرة مباشر , طبعا اخذت علبة ضغط كامله تحسبا ... ما ان وطئت سيارة بوش المقاطعه وصل حضرته و استقبلة ابو مازن بالاحضان نزلو بسرعة ع البساط الاحمر ... بسال بصديق ( اصلهم تحسبا اصحاب العمر عارفين رح انجنن ف اجو مؤازرة) المهم بساله ليش ؟؟ وين؟؟ طبعا عرف انه قصدي ليش ما في سلام وطني زي ما استقبلو ( الصهاينة) قالي يا ندى ما هو رفض انه يعزف السلام الوطني الفلسطيني و الامريكي؟؟؟ نعم .. ليه يعني اشمعنه؟؟؟ طبعا ما انا عارفة هاد اصلا دليل ع عدم الاعتراف بالدولة او بالفلسطيني انفسهم ... مشي الحال و اجى دور المؤتمر المشترك ...
طبعا ابن .... بوش قال ابو مازن ابدى استعداده الالتزام بالتهدئة ؟؟ التزم هو ابو مازن و احنا مالنا في ؟؟ ما هو يلتزم هو كل الشعب ابو مازن ..برضو مش هان المشكله بدا بالعنف المتفشي بالعراق و افغانستان و فلسطين طبعا و الي الفئة المسؤولة عنا المه بلا طول سيرة رجع يقول حضرته انه طبعا بهالشروط يا جماعه رح تصير دولة الفلسطينة الديمقراطية ّّ نعم ديمقراطية ؟؟ اي دميقراطية ما صار عندنا صار انتخابات ديمقراطية ؟؟ بعدين اي دولة ؟؟ اني دولة وينها و ين حدودها ؟؟؟ و اي شروط ؟؟ طبعا انا ارتفع ضغطي بجد و وصل عندي الحقد و الكراهية بنسبة فاقت نسبة البترول بالخليج .... بعدين اعرفت انه بوش طار من عندنا هوووب لعند حبيب قلبه اولمةت يعني طمنه و قاله و لا يهمك كل شي صار زي ما بدك ؟؟؟
الكارثة لما يجي اتخن راس بالسلطة و يقولي ... ايجابيات الزيارة نعم ؟؟ ايجابيات هو اصلا بوش جاي عشان العرب ؟؟؟ هو جاي للتطبيع و جاي ع الصهاينة ف قال امر عليهم يعني مش رح اخسر اشي ....
اكيد دوشت راسكم .. بس يله اتحملوني
كل عام و انتم بخير ... و ان شاء الله سالنة الجاي بتكون سنة خير و سعادة و افضل من السنوات الي مضت ( متخرة شوي اه بس لسة ما خلص شهر 1 و بالتالي لسى التهنئة قائمة) و عام هجري سعيد ايضا :-)
بكلمات المبدع احمد مطر ,,, افتتح مدونتي المتواضعة عسى ان تكون مقبولة و محببة
اخر بوست بالمدونة المهجورة قسرا ... كان عن الاقتتال الداخلي و هاد الحكي بشهر 6 , الوضع اختلف بعد ست اشهر يعني غزة اليوم دولة ذات سيادة ( سيادة ع شو ما بعرف لا بدي اعرف ) ... و للعلم حديث الساعة اليوم في فلسطين من الطفل للكهل ... من المثقف للغير مثقف ...من المتعلم ..للامي من من من من هو الصراع بين حماس و فتح ...شو عملت حماس بانصار فتح بغزة ...و كيف ردو انصار فتح المغلوب ع امرهم ..كيف منعو حماس انصار فتح من الصلاة و كيف كيف كيف لحد ما انا وصل في الحال اني اكفر بكل من قال انا فلسطيني ... الي مش عايش بفلسطين بعتبر الي صاير اقتتال و حرب و هي هيك انا مش رح اكذبها .. بس الوضع ع الاقل عندي مختلف .. انا ما بزعل انه القتيل فتحاوي او حمساوي.؟؟ انا بحزن ع الفلسطيني انشالله الي منتمي لحزب البطيخ بالنهاية هو فلسطيني .. ما بهمني مين القاتل و مين المقتول ... في الحرب الاهلية القاتل و المقتول في النار ... زعمائنا الكبار الصغار حملو الوطن و الشعب ما لا قدرة على احتماله ... انا مش مع حماس و لا مع فتح ... طز في الجهتين لانهم دمروا البلد .. و البلد ممكن اعادة اعمارها و لكنهم دمروا تاريخ و شعب صعب اعادة اعمارة على مر الزمان ....و تقولوليش نزاع ع سلطة ... اني سلطة احنا كذبنا الكذبة و صدقنا الكذبة .. و ينها السلطة و السيادة الي عنا؟؟ نحنا ارضنا مسلوبة و هوانا ملوث بالاحتلال ...كل ما عندنا ملوث و محتل لحد هالكرسي و صار عنا سيادة و سلطة و نزاااع؟؟ 
"لا تبك عينك أيها العربي واعلم أنه.. في القدس من في القدس لكن لا أرى في القدس الا أنت.
ممكن نختلف مع الشهيد ياسر عرفات حتى النخاع سياسيا و ابدا ما كنت من مؤيديه و سياسيا ... الا انني من اكثر المعجبين و المعتزين فيه انسانيا و نضاليا و بأي نقاش مستحيل اسمح لاي حد يزاود علي وطنيا ... نختلف و اختلفنا معاه اه وراد جدا و لا ابدا لم نختلف عليه ... فهو ايقونة شعبية للشعب الفلسطيني ...فلروحه و ارواح الشهداء السلام
بالرغم من اني لا احبذ و لا احب التدخل بشؤون اي دولة داخلية لانة ممكن اي شخص يقولي و انتي شو عرفك انتِ عايشة عندنا ...بس بما انها قضية التعذيب في مصر مش قضية شأن داخلي بل هي قضية انسانية عامة ...و بما اني فترة صدور الحكم ضد اسلام نبيه كنت مشغولة نوعا ما , ما قدرت اشارك كل الي فرحو فرحتم مع اني صدقا نهار ما عرفت انه الحكم حيكون يوم الاثنين كنت مرعوبة او متخوفة انه يصدر اعفاء بس يله عدت ع خير ...و عقبال البقية ان شالله 