بكلمات المبدع احمد مطر ,,, افتتح مدونتي المتواضعة عسى ان تكون مقبولة و محببة

اخر بوست بالمدونة المهجورة قسرا ... كان عن الاقتتال الداخلي و هاد الحكي بشهر 6 , الوضع اختلف بعد ست اشهر يعني غزة اليوم دولة ذات سيادة ( سيادة ع شو ما بعرف لا بدي اعرف ) ... و للعلم حديث الساعة اليوم في فلسطين من الطفل للكهل ... من المثقف للغير مثقف ...من المتعلم ..للامي من من من من هو الصراع بين حماس و فتح ...شو عملت حماس بانصار فتح بغزة ...و كيف ردو انصار فتح المغلوب ع امرهم ..كيف منعو حماس انصار فتح من الصلاة و كيف كيف كيف لحد ما انا وصل في الحال اني اكفر بكل من قال انا فلسطيني ... الي مش عايش بفلسطين بعتبر الي صاير اقتتال و حرب و هي هيك انا مش رح اكذبها .. بس الوضع ع الاقل عندي مختلف .. انا ما بزعل انه القتيل فتحاوي او حمساوي.؟؟ انا بحزن ع الفلسطيني انشالله الي منتمي لحزب البطيخ بالنهاية هو فلسطيني .. ما بهمني مين القاتل و مين المقتول ... في الحرب الاهلية القاتل و المقتول في النار ... زعمائنا الكبار الصغار حملو الوطن و الشعب ما لا قدرة على احتماله ... انا مش مع حماس و لا مع فتح ... طز في الجهتين لانهم دمروا البلد .. و البلد ممكن اعادة اعمارها و لكنهم دمروا تاريخ و شعب صعب اعادة اعمارة على مر الزمان ....و تقولوليش نزاع ع سلطة ... اني سلطة احنا كذبنا الكذبة و صدقنا الكذبة .. و ينها السلطة و السيادة الي عنا؟؟ نحنا ارضنا مسلوبة و هوانا ملوث بالاحتلال ...كل ما عندنا ملوث و محتل لحد هالكرسي و صار عنا سيادة و سلطة و نزاااع؟؟

انا مع الي بيقولو ان حماس ارتكبت اخطاء و لكن ارتكب بحقها العديد من الاخطاء سواء الفلسطينية و العربية و الاوروبية و الخ...

وطني أنقذني رائحة الجو البشري مخيفة وطني أنقذني من مدن سرقت فرحي
أنقذني من مدن يصبح فيها الناس مداخن للزبل مخيفة

"لا تبك عينك أيها العربي واعلم أنه.. في القدس من في القدس لكن لا أرى في القدس الا أنت.
الرائع تميم البرغوثي ...ادخل في نفوسنا البهجة في زمن فيه ننسينا البهجة و طعمها

ممكن نختلف مع الشهيد ياسر عرفات حتى النخاع سياسيا و ابدا ما كنت من مؤيديه و سياسيا ... الا انني من اكثر المعجبين و المعتزين فيه انسانيا و نضاليا و بأي نقاش مستحيل اسمح لاي حد يزاود علي وطنيا ... نختلف و اختلفنا معاه اه وراد جدا و لا ابدا لم نختلف عليه ... فهو ايقونة شعبية للشعب الفلسطيني ...فلروحه و ارواح الشهداء السلام

بالرغم من اني لا احبذ و لا احب التدخل بشؤون اي دولة داخلية لانة ممكن اي شخص يقولي و انتي شو عرفك انتِ عايشة عندنا ...بس بما انها قضية التعذيب في مصر مش قضية شأن داخلي بل هي قضية انسانية عامة ...و بما اني فترة صدور الحكم ضد اسلام نبيه كنت مشغولة نوعا ما , ما قدرت اشارك كل الي فرحو فرحتم مع اني صدقا نهار ما عرفت انه الحكم حيكون يوم الاثنين كنت مرعوبة او متخوفة انه يصدر اعفاء بس يله عدت ع خير ...و عقبال البقية ان شالله

انهي بوستي هذا و استغفر الله لي و لكم

ربك لما يريد

مش اول مرة بدون .... كانت عندي و مازالت مدونة في حب فلسطين نلتقي بس الي صار و ابعدني عنها اني و ببساطة نسيت الباسورد و كل ما يتعلق فيه و الي بيعرفني بيعرف تاريخي المنيل مع الاختتراع الي بيسمى باسورد ...ف عشان هيك كل ما بعل نيو باسوورد بعممه ع الجميع ..عشان هيك جواز سفري التدويني كان مفقود و كنت لاجئة الا ان قررت ان اطلق هذة المدونة ... في عندي كثيير افكار و ملاحظات و بمجرد ما اركز شوي رح ارجع انزلها ....علما انه كنت ازور الجميع و انبسط و ازعل ...و لا اخفيكم انه لما صدر حكم ع اسلام نبيه كتن بدي ارقص بالسيارة و انا مروحة و الشوفير فكرني بشتغل اوفر تايم (رقاصة) بس يلة الحمدالله ع كل حال عدت ع خير .......
هذا البوست مجرد بوست افتتاحي لحين انطلاق المدونة رسميا
اشوفكم ع خير